مشروع " الألف شنطة " لإسعاد ألف أسرة فقيرة في شهر رمضان

بسم الله الرحمن الرحيم


مشروع " الألف شنطة " لإسعاد ألف أسرة فقيرة في شهر رمضان


في البداية ارجو من الله سبحانه وتعالى
تثبيت هذا الموضوع لأهميته ,
و أملاً في ان يصل لقلوب كل اعضاء المنتدي




قال رسول الله صلي الله عليه وسلم "
أفضل الصدقة صدقة في رمضان "

يا جماعة , يا اخوة , ويا اخوات , انا عاوزة النهاردة تحديداً اخاطب القلوب , عشان
لازم بجد نبتدي بداية صحيحة قوية , وعاوزين كلنا نجتمع علي قلب واحد , هدفه

الأسمي هو إسعاد الألاف بأي شكل , وفي كل مكان , وفي الشهر العظيم دا

زى ما واضح اننا بنتكلم عن " شنطة رمضان " , ومشروع الألف شنطة ممكن يبتدي
بجنية واحد بس , وانا عاوزة ا تناول كل جوانب الموضوع , بحيث اكون جاوبت علي كل
الأسئلة اللي هتدور في ذهن قارىء الموضوع

الأول اكيد في ناس كتيرة هتسأل , ياتري فيها ايه شنطة رمضان دى , وهتكون
الإجابة ان شنطة رمضان ممكن تكون عبارة عن مثلاً( كيلو سكر - 3 كيلو ارز - كيلو
شاي - 3 اكياس مكرونه - زجاجتين زيت ) , دا علي سبيل المثال ,
للناس الليعاوزه تاخد خلفيه عن مكونات شنطة رمضان .

احنا دلوقتي عاوزين نعمل مشروع الألف شنطة في كل مكان , وعاوزين نبتدي
نجهز للمشروع دا من دلوقتي , وانا في البداية اطلب من كل قاريء لهذا الموضوع
انه يقدملنا اقتراحه , اننا ازاى نبدأ المشروع , وازاى نلم فلوس للمشروع دا , وازاى

ينجح مشروعنا دا ويتم علي خيــر ,


للامانه منقول